01卷

第一章  无与伦比既王子殿下


五点钟既落课钟一响，成班着住一模一样既校服既中学生就“o靴o靴”声冲晒去原本都几安静既大马路度。我一边跟住人流行，一边心谂如果以后离开中学，可能会觉得呢个都算绝景。班度成日有人话个个着成甘，D接仔既阿妈阿爸都唔一定认得出边只先系自己仔甘话，我听左得个笑下。
加因唔好话我唔会有阿爸阿妈接，就算接都肯定唔会认错仔。
我叫范处常，英文名叫做“Distinction Fantasy”，就系一个黄头发蓝眼既“鬼仔”咯，你话边有人甘都认得错。
不过其实E+ D白种人通街都系嘎啦，俗话话有大就有细，要大定要细……呃，唔系。遮总而言之，其实有几个本地出世既金发靓仔都唔系甘少有遮，使唔使个个都望到实挂。
我地间学校行出黎就系都算几多商店既马路，虽然唔够D步行街甘旺人，不过呢个时候都有D又后生又靓女既姐姐仔响条街度行行下。跟住D靓妹仔又涌埋出黎，路边间间铺头都逼满晒D雌性动物。不过我一路都觉得几奇怪嘎，点解D女人响高中果阵最丑样既咧？D初中妹妹仔就话青春可爱啊，但系有咩理由连D做紧野既姐姐仔望落都后生过D高中女生嘎。
“喂，望咩啊。”四眼仔阿诚问我。
“有咩望啊。呢条友仔系萝莉御姐控，距睇岩果D都唔岩我地嘎啦。”阿诚既另外一边隔离系阿基，距貌似专业甘讲。喂，天地作证啊，有同年纪靓女先得嘎，你地又唔考虑下国情，加埋你突然间讲咩“萝莉御姐控”，好似阿诚D甘既正派少年，大旧D甘既运动少年点会明啊？系我地呢D由细灌注左所谓日本文化侵蚀既人先知道你讲咩嘎嘛。
果然，阿诚同大旧不约而同甘成面疑惑，我只好好唔情愿甘解释话：“距遮话我净系中意妹妹仔同姐姐仔啊。”
“哦——！”距地又好Q有默契甘哦左一声，然后友好赞同甘话：“又几岩啵。”
妖！都话唔系咯。
“喂，阿常，借个一蚊银黎啊。”
阿基突然之间停住喊我，原来距见到路边果间面向无知小朋友既零食店摆左个扭蛋机出黎，平平地一蚊机有得拧，入边系最近都几兴既傻瓜动画keroro军曹既公仔。
“D做工甘差既翻版公仔你都要？”虽然甘讲，我都系去罗今日用剩既一蚊银。个死仔实系知道我今日有银仔剩啦。
我千辛万苦响个书包隙度挖左果只银仔出黎，阿基一面期待甘已经伸左只手出黎，而看铺个姐姐仔就同其他人一样一睇就睇得出对于一个着中国人校服既鬼仔充满好奇。
好咯啵，姐姐仔，鬼佬行果又唔见你望下，鬼仔着校服有咩甘出奇遮？
我愤愤不平甘递只大饼过去，只大饼仲要鬼甘唔听话，我一无留神就跌左落地。
“搞——错啊，甘都跌。”我眼睇住只大饼“碌碌碌碌”甘碌左去条电灯杉同墙之间之后先至慢吞吞甘行去执。呢条电灯杉个位置都几骑呢，本来都唔系既阔既人行道，距偏偏响差唔多一半既位置，企正响个导盲带上面，以我轻盈~既身躯要兼过去就唔算难既，不过弯身执野就夹夹地都几狼狈。
“猥到爆。”我细细声甘讲，一边乌低身。后边大旧系度“骑骑”甘笑，阿诚就好同情甘话：“E+市政府设计呢D野都唔用脑既！”
“系咯。”我岩岩想甘答，突然之间我既右边博头遮电灯杉果边突然之间松晒，好似有咩霖落黎甘，我一瞬间心谂“唔系挂，市政府D野未至于差到一逼就霖挂？！”同埋“我死耿啦！”，跟住本能甘用手抱住个头，但系果样野好快就跌左落地。
奇怪了，虽然我右边松晒，但系果样野又唔系好似电灯杉啵？而且我隔黎几条友仔竟然会甘安静？
事后我都奇怪自己点解唔即刻mag大只眼望下，不过我眯埋眼既时候，突然之间有个女人大叫左一声：“光颜！”甘，我心谂唔系叫我啵，点知一个，应该系两个柔软既野已经压埋我个心口上D。
“呜？！”
我好不雅甘发出左一声届乎于惊讶同好爽之间既怪声。
我本来根本听唔到果度有人既，不过突然之间就此起彼落，好多人远远近近甘叫起身：“陛下——”“陛下……”“殿下——？”“陛下——！”“殿下——！”
我mag大只眼一睇，用两只软绵绵既胸部吓亲我呢个健康少年仔既系一个熟女，介乎于35岁到45岁之间，所谓徐娘半老风韵犹存果种。但系我唔系话距好靓啵，呢个女人有种贵族既感觉，但系面相就知性大过美貌啦。
从呢个女人既头壳顶我可以望到一大片既英国庭院式草地。
“啊死啦。”我几乎要摆出“囧”甘既表情。
虽然呢种事响漫画世界已经常见到乏善可陈，卖烂市无创意既地步，但系现实毕竟都未听过；虽然我个姓系“Fantasy”，都唔阻止我成为一个踏实无不良妄想既优良青少年……
遮话，我瞬间就意识到自己发生左充满浪漫主义既时空转移甘话咯。

唔知大家接唔接受用广州话黎写，试下先。

我试过拉。。。。。

有人赞有人弹。。。

都系感拉。。。。

以前有人试过转白话写噶小说过来

都几受欢迎，主要系睇你写成点姐